Elusen y GIG yn ariannu gemau a gweithgareddau ar gyfer ward eiddilwch Llwynhelyg

Mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi ariannu gemau a gweithgareddau gwerth dros £300 ar gyfer Ward 12 Ysbyty Cyffredinol Llwynhelyg, sy'n darparu gofal eiddilwch a dementia i oedolion hŷn.

Bydd y gemau a'r gweithgareddau – sy'n cynnwys peiriant bingo, dominos, posau ac eitemau paent – ​​yn cael eu defnyddio i roi mwy o annibyniaeth i gleifion â dementia a chlefyd Alzheimer, darparu ysgogiad a chynnig tynnu sylw iddynt.

Dywedodd Zoe Griffiths, Prif Nyrs Ward 12: “Bydd y gweithgareddau'n gwella profiad a lles cleifion a staff ar y ward a fydd yn gallu elwa o rai gweithgareddau annibyniaeth a hwyl.”

Ychwanegodd: “Bydd y gweithgareddau eiddilwch yn galluogi'r tîm ar Ward 12 i ddarparu profiad cadarnhaol i gleifion. Byddant hefyd yn caniatáu i'n cleifion fynegi eu hunain yn greadigol ac i ddod o hyd i dawelwch.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i'r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”