Apel Gerddi Ysbyty Tywysog Philip
Ymunwch â mi i helpu i godi £100,000 i greu gerddi therapiwtig newydd ar gyfer ein cleifion hŷn yn Ysbyty Tywysog Philip
Rwy'n gwybod cystal ag unrhyw un pa mor bwysig yw hi i'ch iechyd corfforol a meddyliol i fynd allan i'r awyr iach. Hoffwn ofyn am eich help i roi mynediad i fannau gwyrdd therapiwtig i rai o’r cleifion mwyaf bregus yn Ysbyty’r Tywysog Philip.
Nod ein Hapêl Gerddi Ysbyty Tywysog Philip yw ariannu gerddi newydd i gleifion mewn:
- Ward Mynydd Mawr, uned adsefydlu gofal henoed 15 gwely
- Ward Bryngolau, uned iechyd meddwl oedolion hŷn 15 gwely.
Mae'r wardiau wedi'u lleoli drws nesaf i'w gilydd ar lawr gwaelod yr ysbyty ac mae ganddynt fynediad i le awyr agored caeedig. Fodd bynnag, nid yw'r gofod hwn yn cael ei ddefnyddio ar hyn o bryd ac nid yw'n addas ar gyfer cleifion.
Helpu cleifion fel Clare i elwa ar bŵer natur. Bydd y gerddi newydd yn cefnogi adferiad ac yn hybu lles trwy ddarparu mannau diogel, llawen ac iachusol lle gall ein cleifion hŷn fwynhau awyr iach, ymarfer corff a theimlo’n agos at natur. Bydd y gerddi hefyd yn darparu amgylchedd tawel i staff ac ymwelwyr.
Gyda’n gilydd gallwn wneud gwahaniaeth mawr i gleifion yn Ysbyty’r Tywysog Philip. I gael gwybod sut, dilynwch y dolenni isod.
Diolch am eich cefnogaeth!
Nigel Owens