Rhoi rheolaidd
Ymunwch â Thîm Calon – a gwnewch wahaniaeth parhaol bob mis.
Mae rhodd reolaidd yn un o'r ffyrdd mwyaf effeithiol o gefnogi cleifion, staff a gwasanaethau ledled Hywel Dda.
Trwy ddewis rhoi rhoddion misol, gallwch gynnig cefnogaeth barhaus i'r ysbyty, y ward, yr adran neu'r gwasanaeth sydd bwysicaf i chi. Fel arall, gallwch gefnogi ein cronfa gyffredinol Gwneud Gwahaniaeth, mae hyn yn golygu y bydd eich rhoddion yn cefnogi prosiectau ar draws y Bwrdd Iechyd.
Waeth beth yw maint eich rhodd, mae rhoi’n rheolaidd yn darparu cyllid y gallwn ddibynnu arno, sy’n ein helpu i gynllunio ar gyfer y dyfodol, ariannu prosiectau pwysig a gwella profiadau i gleifion, teuluoedd a staff.
Gallai eich rhodd reolaidd helpu i:
- Gwella amgylcheddau ysbytai a chysur cleifion
- Ariannu offer ac adnoddau y tu hwnt i’r hyn a ddarperir gan y GIG
- Cefnogi prosiectau a gweithgareddau sy’n hybu lles cleifion
- Gwella profiadau i deuluoedd a gofalwyr
- Buddsoddi mewn mentrau lles i staff
- Ein helpu i ymateb i anghenion sy’n codi ar draws ein cymunedau.
Rhoddion bach, effaith fawr
Does dim rhaid i roi yn rheolaidd fod yn ymrwymiad mawr er mwyn gwneud gwahaniaeth sylweddol.
- Gallai £5 y mis ddarparu pethau ychwanegol syml sy’n cynnig cysur a charedigrwydd pan fo cleifion eu hangen fwyaf.
- Gallai £10 y mis helpu i gefnogi gweithgareddau a phrosiectau lles.
- Gallai £20 y mis gyfrannu at offer arbenigol a mentrau arloesol.
Dros amser, mae'r rhoddion hyn yn cronni ac yn helpu i greu gwelliannau parhaol ar draws ein bwrdd iechyd.
Darllenwch fwy am effaith eich rhoddion.
Sut i sefydlu rhodd reolaidd
Mae sefydlu rhodd fisol yn gyflym ac yn ddiogel drwy ein platfform rhoi ar-lein, Enthuse.
Yn syml:
- Cliciwch ar y botwm 'Cyfrannwch' isod.
- Dewiswch y gronfa, yr ysbyty neu'r gwasanaeth yr hoffech ei gefnogi.
- Dewiswch Cyfraniad Misol pan ofynnir i chi wneud hynny.
- Rhowch y swm yr hoffech ei roi bob mis.
- Llenwch eich manylion cyswllt a thalu.
- Ychwanegwch Rhodd Cymorth os ydych yn gymwys; bydd hyn yn helpu eich cyfraniad i fynd ymhellach fyth, heb unrhyw gost ychwanegol i chi.
- Cadarnhewch eich cyfraniad.
Unwaith y bydd eich rhodd wedi'i sefydlu, bydd eich cyfraniad yn cael ei gasglu'n awtomatig bob mis, a gallwch ei addasu neu ei ganslo unrhyw bryd – cliciwch yma am fwy o wybodaeth (yn agor mewn dolen newydd).
Byddwch hefyd yn derbyn pecyn croeso sy'n cadarnhau eich bod wedi cofrestru, ac yn darparu rhagor o wybodaeth am sut y bydd eich rhodd hael yn gwneud gwahaniaeth i gleifion, cymunedau a staff.
Diolch
Mae pob rhodd reolaidd yn ein helpu i wneud mwy ar gyfer y cleifion, y staff a’r cymunedau rydym yn eu gwasanaethu.
Gyda’n gilydd, gallwn wneud gwahaniaeth parhaol, bob mis.