Mam i ddau o blant yn cwblhau Hyrox i roi rhywbeth yn ôl i'r uned cemotherapi
Yn y llun uchod: Jolene gyda’i gŵr, Aled a dau fab, Ellis a Gwion, gyda staff yr uned.
Mae Hyrox yn ddigwyddiad rasio ffitrwydd sy'n cyfuno gorsafoedd ymarfer corff swyddogaethol â rhedeg, gan herio cyfranogwyr i gwblhau wyth rhediad un cilomedr, pob un wedi'i ddilyn gan ymarfer corff gwahanol, gan gynnwys rhwyfo, gwthio sled a pheli wal.
Cystadlodd Jolene yn y digwyddiad ar 30 Ebrill i roi rhywbeth yn ôl i'r uned a ofalodd amdani.
Dywedodd Jolene: “Ar ôl derbyn gofal anhygoel yn yr uned cemotherapi, roeddwn i eisiau rhoi rhywbeth yn ôl. Codais £800 ar gyfer yr uned a £800 i Macmillan.”
Dywedodd Jessica Michael, Prif Nyrs: “Ar ran y staff a'r cleifion yn yr Uned Ddydd Cemotherapi yn Ysbyty Glangwili, hoffwn ddiolch i Jolene am ymgymryd â'r her hon, gan arwain at rodd hael iawn o £800.
“Rydym bob amser yn chwilio am ffyrdd o wella'r amgylchedd a gwella'r ffordd rydym yn gofalu am gleifion yn yr Uned Ddydd Cemotherapi. Byddwch yn dawel eich meddwl y bydd yr arian hwn yn mynd tuag at y gwelliant hwn. Diolch!”
Dywedodd Claire Rumble, Swyddog Codi Arian: “Mae’n wych gweld ein codwyr arian yn defnyddio digwyddiadau chwaraeon poblogaidd fel Hyrox i godi arian ar gyfer eu helusen GIG leol. Diolch yn fawr iawn Jolene, rydym mor ddiolchgar am eich cefnogaeth.
“Nid yw’r rhoddion elusennol hael a dderbyniwn yn disodli cyllid y GIG. Yn hytrach, fe’u defnyddir i ddarparu eitemau a gweithgareddau y tu hwnt i wariant craidd y GIG, fel amgylcheddau mwy croesawgar i gleifion, teuluoedd a staff, a’r offer diweddaraf.”