Disgybl ysgol yn rhedeg 10k er budd uned cemotherapi

Yn y llun uchod: Kim Adams, Nyrs; Amy Rees-Thomas, Prif Nyrs Iau; Louise MacDonald, Nyrs; Alisha Llewellyn a Liliana Guta, Uwch Brif Nyrs.

Cymerodd Alisha Llewellyn ran mewn ras 10k a chodi £363 ar gyfer yr Uned Ddydd Cemotherapi yn Ysbyty Llwynhelyg.

Ymgymerodd Alisha â’r her hon fel rhan o’i phrosiect her sgiliau gyda’r ysgol lle roedd hi wedi dewis canolbwyntio ar ganser fel problem fyd-eang.

Dywedodd Alisha: “Mae’r pwnc hwn yn agos iawn at fy nghalon, gan fod fy nheidiau a’m nain wedi brwydro yn erbyn canser am dros ddegawd. Yn y pen draw, ysbrydolodd eu taith fi i weithredu a gwneud gwahaniaeth yn fy nghymuned.

“I gyflawni fy ymrwymiad i 15 awr o weithredu cymunedol, es i ati i redeg 10k a chodi arian ar gyfer yr Uned Ddydd Cemotherapi yn Llwynhelyg, lle cafodd fy nhaid a nain ofal yn ystod eu triniaeth cyn iddynt farw yn 2023 a 2024.

“Mae’n bwysig i mi allu rhoi rhywbeth yn ôl i staff yr uned a’u cefnogodd drwy gyfnodau mor heriol. Diolch i bawb a roddodd, bydd eich haelioni nid yn unig yn anrhydeddu eu cof ond hefyd yn helpu eraill sy’n wynebu brwydrau tebyg ar hyn o bryd.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Hoffem ddiolch yn fawr iawn i Alisha am gefnogi’r Uned Ddydd Cemotherapi yn Llwynhelyg ar gyfer ei phrosiect ysgol.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”

Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaethau a staff.