Neidio i'r prif gynnwy

Mae elusen y GIG yn cynnig lleoedd rhedeg, nofio a beicio am ddim yn ystod Penwythnos Cwrs Hir 2023

Codwr arian Penwythnos Cwrs Hir James Day

Mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, yn cynnig lleoedd am ddim i godwyr arian ym mhob un o ddigwyddiadau Penwythnos Cwrs Hir 2023 yr haf hwn.


Mae’r elusen, sydd wedi’i chyhoeddi fel partner “Powered By” ar gyfer Hanner Marathon Cymru Penwythnos Cwrs Hir, yn ceisio gwneud gwahaniaeth cadarnhaol i iechyd, lles a phrofiad cleifion, defnyddwyr gwasanaeth a staff y GIG


Penwythnos Cwrs Hir, a gynhelir ar 30 Mehefin – 2 Gorffennaf, yw’r ŵyl aml-chwaraeon fwyaf yn Ewrop, gan ddenu dros 10,000 o athletwyr a 35,000 o gefnogwyr o 45 o wledydd. Mae digwyddiadau'n cynnwys Marathon Cymru, Hanner Marathon Cymru, 10k, 5k, Nofio Cymru (opsiynau 1.2 a 2.4 milltir), Sportive Cymru (opsiynau beicio 40 milltir, 70 milltir neu 112 milltir) a'r digwyddiad LC Kinder i blant.

Dywedodd Tara Nickerson, Rheolwr Codi Arian yn Elusennau Iechyd Hywel Dda: “Rydym mor gyffrous i fod yn gweithio mewn partneriaeth ag Activity Wales Events yn 2023. Rydym yn cynnig cyfleoedd unigryw i'n codwyr arian i gymryd rhan mewn digwyddiadau ar draws y Penwythnos Cwrs Hir cyfan.

“Gofynnwn i godwyr arian addo codi isafswm mewn nawdd, yn dibynnu ar ba ddigwyddiad y maent yn cymryd rhan ynddo. Gall codwyr arian ddewis cefnogi ysbyty, ward, gwasanaeth neu adran benodol neu gallant ddewis codi arian at ddibenion elusennol cyffredinol.

“Mae ein nifer cyfyngedig o leoedd am ddim yn cael eu cynnig ar sail y cyntaf i’r felin, felly os oes gennych chi ddiddordeb, cysylltwch â ni!”


Dywedodd Matthew Evans, Prif Swyddog Gweithredol Penwythnos Cwrs Hir: “Rydym wrth ein bodd mai ein helusen GIG leol yw’r partner “Powered By” ar gyfer Hanner Marathon Cymru 2023. Mae Hanner Marathon Cymru yn ddigwyddiad arbennig i gynifer o bobl ac rydym yn wrth ein bodd y byddwn gyda’n gilydd yn codi arian at achos mor wych.”


Gall unrhyw un sydd â diddordeb mewn sicrhau lle am ddim yn unrhyw un o’r digwyddiadau gofrestru yn: https://biphdd.gig.cymru/gofal-iechyd/gwasanaethau-a-thimau/elusennau-iechyd-hywel-dda/elusennau-iechyd-hywel-dda1/penwythnos-cwrs-hir-2023/ neu gallant gysylltu â Thîm Elusennau Iechyd Hywel Dda yn uniongyrchol dros y ffôn ar 01267 239815 neu drwy e-bost yn Fundraising.HywelDda@wales.nhs.uk.

Dilynwch ni: