Elusen yn prynu fframiau cerdded ar gyfer Ysbyty Bronglais

Diolch i'ch rhoddion, mae Elusennau Iechyd Hywel Dda wedi prynu chwe ffrâm gerdded i'w defnyddio gan gleifion ar ward Rhiannon yn Ysbyty Bronglais.

Dywedodd Mari Davies, Ffisiotherapydd Arweiniol ar gyfer y Tîm Ffisiotherapi Acíwt a Chymunedol yng Ngheredigion: “Mae’r cymhorthion cerdded yn cael eu defnyddio gan gleifion i leihau’r risg o gwympo a hybu symudedd.

“Mae’r fframiau’n helpu cleifion llawfeddygol ôl-lawdriniaethol a chleifion orthopedig i godi a chynyddu eu hannibyniaeth, gan helpu gyda rhyddhau cyflymach”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”

Yn y llun gydag un o'r fframiau mae Wendy Mattick, Ymarferydd Cynorthwyol Ffisiotherapi.