Cystadleuaeth bysgota 48 awr yn codi £1,200 i'r Gronfa Ddymuniadau

Yn y llun uchod: Liz Amery, Gweithiwr Gofal Iechyd yn y Ganolfan Plant; Jaden Hill, claf; Ingrid Phillips, Nyrs Cyflyrau Hirdymor Pediatrig; Dr Ranjith Kulappura, Pediatregydd Ymgynghorol a mam, Bethan Lloyd.

Mae cystadleuaeth bysgota a raffl 48 awr a gynhaliwyd ym Mhysgodfa White Springs ym Mhontarddulais wedi codi £1,200 ar gyfer y Gronfa Ddymuniadau.

Mae’r Gronfa Ddymuniadau yn ymgyrch a gyflwynir gan Elusennau Iechyd Hywel Dda sy'n creu atgofion parhaol i blant a phobl ifanc â chyflyrau sy'n peryglu bywyd ac yn cyfyngu ar fywyd a'u teuluoedd.

Trefnwyd y digwyddiad, a gynhaliwyd ym mis Hydref 2025, gan deulu Hill sy'n berchen ar Bysgodfa White Springs. Mae eu mab, Jaden Hill, wedi cael ei gefnogi ers blynyddoedd lawer gan wasanaethau plant ar ôl cael diagnosis o ffibrosis systig.

I ddiolch am y gofal y mae Jaden wedi'i dderbyn, trefnodd y teulu'r gystadleuaeth, y raffl a'r casgliad nawdd, gan roi hanner yr elw i’r Gronfa Ddymuniadau a hanner i elusen Ffibrosis Systig.

Mae teulu Hill yn gefnogwyr hirdymor i wasanaethau plant Hywel Dda ac maent bellach wedi rhoi ymhell dros £10,000 trwy eu digwyddiadau codi arian.

Dywedodd Katie Hancock, Swyddog Codi Arian: “Diolch i Bethan, Jaden a phawb ym Mhysgodfa White Springs am eich rhodd wych i Gronfa’r Ddymuniadau. Rydym mor ddiolchgar am eich cefnogaeth barhaus. Mae eich haelioni dros y blynyddoedd wedi gwneud gwahaniaeth gwirioneddol i’n gwasanaethau, ac rydym yn ei werthfawrogi’n fawr.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”

I gael gwybod mwy am y Gronfa’r Ddymuniadau, ewch i: https://hywelddahealthcharities.nhs.wales/campaigns/the-wish-fund/