Cyfle i ennill gwobr raffl wych er budd Apêl Gerddi Ysbyty Tywysog Philip!

Cyfle i ennill gwobrau gwych drwy brynu tocyn raffl er budd Apêl Gerddi Ysbyty Tywysog Philip.

Nod yr Apêl yw ariannu gerddi therapiwtig newydd i gleifion yn Ward Mynydd Mawr, uned adsefydlu gofal henoed 15 gwely, a Ward Bryngolau, uned iechyd meddwl oedolion hŷn 15 gwely. Mae'r wardiau wedi'u lleoli drws nesaf i'w gilydd ar lawr gwaelod yr ysbyty ac mae ganddynt fynediad i ofod awyr agored caeedig. Fodd bynnag, nid yw'r gofod hwn yn cael ei ddefnyddio ar hyn o bryd ac nid yw'n addas ar gyfer cleifion.

Fe allech chi fod â siawns o ennill pedwar tocyn i gêm Rygbi’r Scarlets ar gyfer tymor 2024/45, taleb bwyd gwerth £50 i The Phil Bennett, taleb £30 i’r Foel, cinio i ddau yn y Royal Oak Felinfoel, MOT yng Ngarej Panteg, un o ddau Hamper Tesco, taleb pryd o fwyd gwerth £30 i The Colliers, taleb £15 ar gyfer torri gwallt yn Stryd Bhub Thomas, aelodaeth am ddim am fis yng nghampfa The Warehouse yn Abertawe, tedi mawr o Asda , taleb £30 i Claire Flowers neu gerdyn anrheg gwerth £25 i Westy'r Halfway.

Dywedodd Tara Nickerson, Rheolwr Codi Arian: “Am £3 yn unig, fe allech chi ennill un o’n gwobrau anhygoel sydd wedi’u rhoi’n garedig gan fusnesau lleol. Mae’n wych gweld y gymuned leol yn cefnogi achos mor agos at adref.

“Bydd yr arian a godir yn mynd yn uniongyrchol tuag at ddwy ardd therapiwtig newydd ar gyfer ein cleifion hŷn yn Ysbyty Tywysog Philip.”

Mae tocynnau raffl ar gael gan staff ar wardiau Bryngolau a Mynydd Mawr yn Ysbyty Tywysog Philip neu drwy gysylltu â thîm codi arian Elusennau Iechyd Hywel Dda ar 01267 239815 neu codiarian.hyweldda@wales.nhs.uk

I gael rhagor o wybodaeth am Apêl Gerddi Tywysog Philip, ewch i: Apel Gerddi Ysbyty Tywysog Philip - Elusennau Iechyd Hywel Dda (gig.cymru)