Codwyd dros £14,000 i Uned Ddydd Priordy Glangwili

Yn y llun uchod: Sarah Rees, ei mab James, a staff o Uned Ddydd y Priordy yn Ysbyty Glangwili.

Mae teulu a ffrindiau’r diweddar Dylan Rees o J E Rees & Sons wedi cyfrannu £14,046 er cof amdano i Uned Ddydd y Priordy yn Ysbyty Glangwili.

Helpodd gwraig Dylan, Sarah Rees, a’i fab, James Rees, i drefnu digwyddiad codi arian i godi’r swm anhygoel. Fe drefnon nhw barti pen-blwydd Sarah yn 50 oed, lle buont yn casglu rhoddion i Uned Ddydd y Priordy a oedd yn gofalu am Dylan ar y pryd.

Bu ffrindiau a theulu hefyd yn cyfrannu at yr uned yn ei angladd.

Dywedodd Sarah: “Rydym wedi ein syfrdanu’n llwyr â haelioni pawb a’r holl gymorth a chefnogaeth a roddwyd i ni. Diolch i Uned Ddydd Priordy Ysbyty Glangwili am ofalu am Dylan a ni mor dda. Allwn ni ddim diolch digon.”

Dywedodd Katie Hancock, Swyddog Codi Arian; “Diolch i deulu a ffrindiau Sarah, James a Dylan am eich haelioni. Mae eich rhodd i Uned Ddydd y Priordy yn wych a bydd yn gwneud gwahaniaeth mawr. Rydym yn hynod ddiolchgar am eich cefnogaeth wych, mae'n deyrnged hyfryd i Dylan.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”