Pobi MAWR ar gyfer Penblwydd y GIG
Ar Orffennaf 5ed 2025 mae'r GIG yn troi'n 77! Ymunwch â'r dathliadau trwy gymryd rhan yn y Pobi MAWR.
Gallwch chi fwynhau paned a chacen – a chodi arian ar gyfer eich gwasanaeth GIG lleol yn y broses. Bydd yr arian hwn yn helpu i dalu am yr ychwanegolion bach sy'n gwneud gwahaniaeth mawr i gleifion, teuluoedd a staff.
Gallwch gymryd rhan yn Pobi MAWR ar gyfer Penblwydd y GIG drwy gydol mis Gorffennaf mewn nifer o ffyrdd. Er enghraifft, gallwch:
🧁 Cynhaliwch de parti a gwahoddwch eich teulu a'ch ffrindiau, gan ofyn am rodd i'r elusen
🧁 Cynhaliwch eich gwerthiant cacennau eich hun mewn lleoliad cymunedol, yn y gwaith, yn yr ysgol neu gartref
🧁 Pobwch gacen pen-blwydd ffantastig a chyflwynwch lun i'n cystadleuaeth Pobi MAWR ar gyfer Penblwydd y GIG am y gacen wedi'i haddurno orau – a fydd yn cael ei beirniadu gan enillydd Great British Bake Off, Georgie Grasso! Mae ceisiadau yn £3.
🧁 Cymerwch hunlun gyda'n ffrâm hunlun Pobi MAWR ar gyfer Penblwydd y GIG
🧁 Gwnewch gyfraniad £5 drwy anfon neges destun at LOVENHS i 70085 neu gwneud cyfraniad ar-lein (cofiwch gynnwys manylion pa ysbyty yr hoffech gyfrannu iddo).
Bydd yr holl arian a godir yn mynd i'ch ysbyty lleol ac yn talu am eitemau a gweithgareddau sy'n ychwanegol at wariant craidd y GIG megis:
• Cysuron ychwanegol i gleifion
• Yr offer meddygol mwyaf cyfoes
• Amgylcheddau mwy croesawgar i gleifion, teuluoedd a staff
• Mentrau hyfforddi, datblygu a lles staff
• Ymchwil i driniaethau, a'u datblygu
• Gofal gwell yn ein cymunedau lleol.
Camau Nesaf
Os hoffech chi gymryd rhan yn Pobi MAWR ar gyfer Penblwydd y GIG, y peth cyntaf i'w wneud yw rhoi gwybod i ni, a dweud wrthym sut y byddwch chi'n codi arian.
Mae ein tîm codi arian wrth law i gynnig cymorth, cefnogaeth ac ysbrydoliaeth:
Rhif Ffôn: 01267 239815
E-bost: Fundraising.HywelDda@wales.nhs.uk
I wneud cyfraniad cliciwch yma .
I lawrlwytho deunyddiau ar gyfer eich digwyddiad, cliciwch yma:
Diolch am eich cefnogaeth!