Wrolegydd Ymgynghorol yn cymryd rhan yn L'Etape du Tour de France er budd elusen
Yn y llun uchod: Yeung Ng, Wrolegydd Ymgynghorol.
Ar 6 Gorffennaf 2024, beiciodd Yeung yr L'Etape du Tour de France, sy'n rhoi cyfle i amaturiaid reidio ar lwyfan mynydd y Tour de France.
Dywedodd Yeung: “Eleni, ceisiodd 16,000 o feicwyr o bob rhan o’r byd lwyfan y Frenhines o Nice i Beuil gan gynnwys pedwar copa dros 140km a chyfanswm esgynnol o 4500m (15,000 troedfedd), gan orffen ar gopa’r Col de la Couillole am 1678m.
“Cwblheais y cwrs mewn 8 awr 59 munud a oedd yn agos at fy amser targed ymhlith ychydig dros 10,000 o orffenwyr.
“Codais yr arian ar gyfer yr ICU yn Ysbyty Glangwili i ddweud diolch am y gofal arbenigol a thosturiol a gafodd fy mhartner pan oedd yn ddifrifol wael y llynedd.
“Roedd y daith hefyd yn benllanw fy adferiad fy hun o anaf difrifol i’r gwddf a gafwyd yn 2022 ac mae’n her sylweddol yr wyf yn falch o fod wedi’i gyflawni. Roeddwn i oddi ar y beic am 12 mis ac wedi treulio'r chwe mis diwethaf yn hyfforddi dros 3,000 o filltiroedd a dringo 200,000 troedfedd o uchder wrth baratoi.
“Hoffwn ddiolch i staff ICU Glangwili a ffrindiau o Glwb Beicio Bynea.”
Dywedodd Nicola Llewelyn, Pennaeth Elusennau Iechyd Hywel Dda: “Hoffem ddweud da iawn i Yeung ar her hollol anhygoel.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”