Uned Cemotherapi Llanelli yn derbyn cadair driniaeth newydd ddiolch i gronfeydd elusennol

Yn y llun: Staff gyda'r gadair driniaeth newydd yn yr uned.

Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu cadair driniaeth newydd gwerth dros £4,000 ar gyfer yr Uned Ddydd Cemotherapi yn Ysbyty Tywysog Philip.

Defnyddir cadeiriau triniaeth i ddarparu cemotherapi. Maen nhw'n addasadwy i'w huchder, mae ganddyn nhw gynhaliaeth i'ch pen, gorffwysiad braich lydan er mwyn ei gwneud hi'n hawdd gosod caniwla a gweithdrefnau eraill, a gorffwysfa traed i sicrhau cysur y claf.

Dywedodd Marie Williams, Uwch Brif Nyrs Therapi Gwrth-ganser Systemig (SACT): “Rydym yn ddiolchgar iawn bod cronfeydd elusennol wedi ein galluogi i brynu cadair therapi newydd ar gyfer yr Uned Ddydd Cemotherapi yn Ysbyty Tywysog Philip.

“Mae’r cadeiriau wedi cael adborth cadarnhaol gan gleifion a staff, yn enwedig oherwydd eu cysur yn ystod cyfnodau estynedig o eistedd.”

“Bydd y gadair yn helpu gyda mwy o weithgarwch ar yr uned ac yn sicrhau bod llif cleifion yn cael ei gynnal.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”