Spirometrau newydd yn helpu i wneud diagnosis o gleifion â chyflyrau'r ysgyfaint yn gyflymach

Yn y llun uchod: Staff yn arddangos y Spiromedr.

Diolch i roddion hael, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi ariannu dau Spiromedr Vitalograph Pneumotrac ar gyfer Ysbyty Tywysog Philip.

Defnyddir spiromedr i wneud diagnosis a monitro cyflyrau'r ysgyfaint fel syndrom Guillain-Barré, anhwylder hunanimiwn sy'n effeithio ar y nerfau.

Dywedodd Byron Morton, Ffisiolegydd Arbenigol Cwsg ac Anadlu: “Rydym yn hynod ddiolchgar bod cronfeydd elusennol wedi ein galluogi i brynu dau spiromedr.

“Bydd y spirometrau yn helpu i leihau amseroedd aros ar gyfer profion swyddogaeth yr ysgyfaint, yn enwedig yn ein clinigau sy'n gwasanaethu llawer o gleifion canser sydd angen profion brys a chleifion llawfeddygol sydd angen spirometreg cyn eu llawdriniaethau. Bydd yr offer hefyd yn cynorthwyo ein hymgynghorwyr anadlu yn eu gwneud penderfyniadau trwy ddarparu gwasanaeth un stop ar gyfer eu clinigau.

“Bydd y spirometrau hyn yn gwneud gwahaniaeth enfawr i lawer o gleifion, gan gefnogi diagnosis cyflym, monitro cyflyrau cymhleth yr ysgyfaint yn fwy effeithiol ac arwain at gyfathrebu mwy amserol i gleifion sydd angen ymyriadau llawfeddygol.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”

Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaeth a staff.