Sioe ffasiwn yn codi dros £1,000 ar gyfer ward plant

Yn y llun uchod: Staff a phlant o Feithrinfa Bro Teif.

Cododd sioe ffasiwn a drefnwyd gan staff o Feithrinfa Bro Teifi £1,045 ar gyfer Ward Cilgerran yn Ysbyty Glangwili.

Roedd y sioe ffasiwn a gynhaliwyd yng Ngwesty’r Porth yn arddangos dillad o ‘Lan Lloft a Duet’, bwtic ffasiwn i fenywod yn Llanbedr Pont Steffan. Fe wnaethon nhw hefyd godi £1,045 ar gyfer y feithrinfa.

Dywedodd Hannah Thomas, aelod o staff y feithrinfa: “Yn y feithrinfa, rydym yn gofalu am blant ifanc, a phenderfynon ni godi arian ar gyfer Ward Cilgerran yn Ysbyty Glangwili gan nad oes neb byth yn gwybod pryd y bydd angen defnyddio’r ward blant leol.

“Wythnos ar ôl y sioe ffasiwn, torrodd fy mab chwech oed ei fraich ac roedd angen llawdriniaeth arno a threuliodd noson ar Cilgerran. Roeddwn i mor ddiolchgar am y gofal a’r gefnogaeth wych a ddarparwyd i ni fel teulu, a roddodd sicrwydd i mi yn ystod ei driniaeth a’i arhosiad ar y ward.

“Diolch i’r gymuned leol a brynodd docynnau a chefnogodd y noson. Hefyd, i fusnesau lleol a roddodd wobrau raffl ac i Westy’r Porth am ddefnyddio’r ystafell a’r byrbrydau ar y noson.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn ddiolchgar iawn am bob rhodd a dderbyniwn.”

Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaeth a staff.