Hwb o £2,250 i wasanaethau dementia Sir Benfro

Rhedodd Sam Dolling, o Aberdaugleddau, Hanner Marathon Caerdydd eleni i godi arian ar gyfer gwasanaethau dementia yn Sir Benfro.

Rhedodd Sam yr hanner marathon ar 5 Hydref mewn 1:55:42 a llwyddodd i godi mwy na'r swm yr oedd yn gobeithio ei godi – cyfanswm o £2,250.

Yn ei eiriau ei hun, fe "es ar ôl teulu a ffrindiau trwy gyfryngau cymdeithasol" cyn y digwyddiad, ond daeth ei gyfraniadau mwyaf o le annisgwyl – ffrindiau oedd yn ddyledus arian iddo o drip golff.

Dywedodd Sam ei fod wedi rhagori ar ei ddisgwyliadau gyda'r swm a gododd a galwodd yr her yn "werthfawr".

"Fe helpodd fi i gadw at fy nghynllun hyfforddi am y tro cyntaf erioed," ychwanegodd.

Dywedodd Katie Hancock, Swyddog Codi Arian: “Diolch yn fawr iawn i Sam am ddewis rhedeg Hanner Marathon Caerdydd ar gyfer Elusennau Iechyd Hywel Dda a chodi arian ar gyfer Gwasanaethau Dementia yn Sir Benfro, gwasanaeth sy’n agos at eich calon. Fe godoch chi swm anhygoel! Diolch yn fawr iawn am eich cefnogaeth a diolch i bawb a’ch noddodd.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”