Elusen y GIG yn ariannu dodrefn ar gyfer staff yr Adran Iechyd Plant

Yn y llun uchod: chwith: Bronglais, dde: Llwynhelyg.

Diolch i roddion hael, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu dodrefn gardd i staff yn Adrannau Iechyd Plant Ysbytai Llwynhelyg a Bronglais.

Mae elusen y GIG wedi ariannu mainc a mainc bicnic ar gyfer yr ysbytai.

Dywedodd Donna Osbourne, Rheolwr Cymorth Gwasanaeth: “Rydym yn ddiolchgar iawn bod cronfeydd elusennol wedi ein galluogi i brynu dodrefn gardd ar gyfer ein staff yn Ysbytai Llwynhelyg a Bronglais.

“Bydd y dodrefn newydd hwn yn annog staff i gymryd seibiannau ac eistedd y tu allan, gan gael awyr iach a chael seibiant o’u desgiau a’u sgriniau.

“Bydd hefyd yn creu amgylchedd gwaith gwell i’n staff gan y gallant fwyta gyda’i gilydd a chymdeithasu a fydd yn helpu i wella lles o fewn y timau.

“Bydd gallu cymryd seibiannau y tu allan yn helpu i leihau lefelau straen a phryder. Gall bod mewn natur, hyd yn oed am gyfnod byr, leihau lefelau straen a gwella hwyliau cyffredinol. Bydd hyn yn ei dro o fudd mawr i’n cleifion gan y bydd staff yn teimlo’n cael eu hail-egnïo a fydd yn meithrin cyfathrebu cadarnhaol rhwng staff a chleifion.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”