Bydd beic therapi newydd yn cefnogi adsefydlu cleifion y GIG

Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu beic therapi hyfforddwr goddefol gweithredol newydd gwerth dros £7,000 ar gyfer Ward 9 yn Ysbyty Tywysog Philip.

Bydd y beic newydd yn helpu i hwyluso adsefydlu cleifion Ward 9 o salwch fel strôc ac anafiadau eraill i’r ymennydd.

Dywedodd Bethan Levy, Ffisiotherapydd Arbenigol: “Rydym yn ddiolchgar iawn bod cronfeydd elusennol wedi ein galluogi i brynu’r beic newydd hwn.

“Mae’r hyfforddwr goddefol gweithredol yn galluogi cleifion i wneud ymarfer corff aerobig sy’n hynod fuddiol ar gyfer eu hadsefydliad. Nid yn unig y mae’n cefnogi eu hadferiad corfforol, gall hefyd fod o fudd seicolegol iddynt trwy ddarparu cyfleoedd i ymarfer corff a chwblhau gweithgaredd mwy normal na fyddent yn gallu ei wneud fel arfer yn yr ysbyty.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”