Brodyr i ymgymryd â Phenwythnos Cwrs Hir ar gyfer Gwasanaethau Iechyd Meddwl Plant
Yn y llun uchod, chwith-dde: Alex a Paul Simpson.
Mae’r brodyr Alex a Paul Simpson yn cynnal tri digwyddiad yn ystod Penwythnos Cwrs Hir 2025 i godi arian ar gyfer Gwasanaethau Iechyd Meddwl Plant Hywel Dda.
Penwythnos Cwrs Hir yw’r ŵyl aml-chwaraeon fwyaf yn Ewrop, gan ddenu dros 10,000 o athletwyr a 35,000 o gefnogwyr o 45 o wledydd.
Dywedodd Alex: “Eleni, mae fy mrawd a minnau’n ymgymryd â’r her anhygoel o gwblhau’r triathlon hanner pellter yn Ninbych-y-pysgod. Nid dim ond ar gyfer twf personol y mae hyn, ond i godi arian at achos sy’n wirioneddol bwysig.
“Bydd pob strôc nofio, pedal, a chamgam yn cael ei bweru gan eich haelioni. Bydd eich rhodd, ni waeth beth fo’r maint, yn gwneud gwahaniaeth gwirioneddol ac yn helpu i gefnogi Elusennau Iechyd Hywel Dda. Yn fwy penodol, rwy’n gweithio o fewn Gwasanaethau Iechyd Meddwl Plant Bwrdd Iechyd Prifysgol Hywel Dda ac eisiau codi’r arian ar gyfer Hyb Llesiant Bro Myrddin lle rwyf wedi fy lleoli.
“Mae’r Hyb yn lleoliad anghlinigol sy’n cynnig amgylchedd diogel, tawel i blant a phobl ifanc i helpu i ddelio â’u trallod neu argyfwng tra’n osgoi gorfod mynychu’r ysbyty prysur a lleoliadau Damweiniau ac Achosion Brys. Bydd yr arian yn cael ei ddefnyddio i gefnogi ein prosiect gardd parhaus. Gyda’n gilydd, gallwn droi chwys yn effaith. Os gwelwch yn dda ystyriwch gefnogi ein taith a’r achos anhygoel hwn. Gadewch i ni wneud i bob milltir gyfrif!”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Pob lwc i Alex a Paul. Edrychwn ymlaen at eich cefnogi yn Ninbych-y-pysgod ym mis Mehefin. Pob lwc!
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
Gallwch gyfrannu at godwr arian Alex a Paul yma: https://www.justgiving.com/page/alex-simpson-3?newPage=true