Arhosiad hwyl i'r teulu yn dod â llawenydd i blant a phobl ifanc a gefnogir gan y Gronfa Ddymuniadau

Diolch i roddion hael, roedd Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, fe wnaeth plant, pobl ifanc a theuluoedd a gefnogir gan y Gronfa Ddymuniadau fynychu dangosiad o ‘Elf The Musical’ yng Nghanolfan Gonfensiwn Ryngwladol (ICC) yng Nghasnewydd.

Mae’r Gronfa Ddymuniadau yn ymgyrch a gyflwynir gan Elusennau Iechyd Hywel Dda sy’n creu atgofion parhaol i blant a phobl ifanc â chyflyrau sy’n peryglu bywyd ac sy’n cyfyngu ar fywyd a’u teuluoedd.

Diolch i’r cyllid, mwynhaodd y teuluoedd arhosiad dros nos yng Ngwesty’r Celtic Manor yng Nghasnewydd hefyd. Cymerodd y Plant a Phobl Ifanc a’u teuluoedd ran mewn amrywiaeth o weithgareddau dros y ddau ddiwrnod.

Dywedodd Rachel Brown, Arbenigwr Chwarae Gofal Lliniarol Pediatrig: “Rydym mor ddiolchgar am y rhoddion hael i'r Gronfa Ddymuniadau a’n galluogodd i drefnu’r profiad bythgofiadwy hwn i’r plant, pobl ifanc a’u teuluoedd yr ydym yn eu cefnogi.

“Aethom i Westy’r Celtic Manor ddechrau mis Ionawr. Mynychodd 16 o deuluoedd o’n llwyth achosion Gofal Lliniarol Pediatrig y digwyddiad a chymryd rhan mewn gweithgareddau creu atgofion Nadoligaidd fel crochenwaith a chrefftau. Aeth y teuluoedd hefyd i'r ICC i wylio’r sioe gerdd wych, Elf.

“Mae dyddiau fel hyn yn caniatáu i’r plant  sydd ar ein llwyth achosion Gofal Lliniarol Pediatrig, yn ogystal â’u teuluoedd, greu eiliadau hudolus y gellir eu cofio a’u trysori am byth. Diolch i bawb sy’n cefnogi’r Gronfa Ddymuniadau, mae eich rhoddion yn caniatáu inni ddarparu’r cyfleoedd anhygoel hyn.”

Dywedodd teulu a fynychodd yr arhosiad dros nos: “Diolch am y cyfle i fynd i’r Celtic Manor. Roedd yn hyfryd yno ac roedd Elf the Musical yn anhygoel. Fe wnaethon ni fwynhau’n fawr.”

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Rydym yn hynod falch o fod wedi ariannu taith mor anhygoel i’r plant, pobl ifanc a theuluoedd a gefnogir gan y Tîm Gofal Lliniarol Pediatrig. Edrychwn ymlaen at ariannu mwy o deithiau fel hyn yn y dyfodol.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn hynod ddiolchgar am bob rhodd a dderbyniwn.”

Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaeth a staff.

I gael gwybod mwy am y Gronfa Ddymuniadau, ewch i: https://hywelddahealthcharities.nhs.wales/campaigns/the-wish-fund/